Zëvendës kryeministri i parë Artan Grubi ka njoftuar se “One stop shop” me Republikën e Kosovës tashmë ka kaluar në Qeveri dhe pret miratimin edhe në Parlament, me çka si projekt është një hap më afër realizimit.
Presim që në seancën e rradhës të Kuvendit të ratifikohet kjo marrëveshje historike që do të lehtësojë qarkullimin e qytetarëve të vendeve tona dhe do të përforcojë raportet ekonomike, ka shkruar mes tjerash Grubi.
Postimi i plotë:
Një hap më afër realizimit të vendkalimeve të përbashkëta me Republikën e Kosovës!
Në seancën e fundit të Qeverisë miratuam tekstin e propozim ligjit për ratifikimin e Marrëveshjes ndërmjet Qeverisë së Republikës së Maqedonisë së Veriut dhe Qeverisë së Republikës së Kosovës për vendkalimet e përbashkëta kufitare:
“Bllacë – Han i Elezit” dhe
“Jazhincë – Glloboçicë”
Presim që në seancën e rradhës të Kuvendit të ratifikohet kjo marrëveshje historike që do të lehtësojë qarkullimin e qytetarëve të vendeve tona dhe do të përforcojë raportet ekonomike.
