Maqedonia e Veriut ishte vendi nikoqir i Këshillit të 30-të Ministror të OSBE-së, duke e kthyer qytetin e Shkupit në kryqendër të politikës globale.
Zëvendëskryeministri i parë, Artan Grubi përmes një postimi në faqen e tij zyrtare në Facebook shkruan se ky Samit dëshmoi kapacitetin që ka vendi ynë përorganizim të shkëlqyer, duke promovuar paqe dhe stabilitet.
Grubi shton se organizime të tillë duhet të shërbejnë për të ndaluar luftërat dhe për të kontribouar në paqen botërore.
Statusi i plotë:
Vendi ynë ishte sot nikoqir i Këshillit të 30-të Ministror të OSBE-së duke rrumbullakësuar kështu një udhëheqje të suksesshme me Misionin e OSBE-së dhe duke dëshmuar kapacitetin tonë për të qenë promovues të paqes e stabilitetit në kohëra jashtëzakonisht sfiduese.
Me këtë rast, dua të përgëzoj Ministrinë e Punëve të Jashtme në krye me ministrin Bujar Osmani për punën e shkëlqyeshme në organizimin e këtij samiti historik që bëri bashkë delegacionet e 57 vendeve anëtare të OSBE-së.
Le të shërbejnë të gjitha organizimet e këtilla për të reflektuar dhe për të vënë në pah domosdoshmërinë e bashkëpunimit për të rigjetur medomes paqen botërore, për të ndalur luftërat dhe për të trasuar rrugën e përbashkët të përparimit!
https://www.facebook.com/plugins/post.php?href=https%3A%2F%2Fwww.facebook.com%2FArtanGrubi%2Fposts%2Fpfbid02ijU6SoYdkWNrA29E2Gz4HVAifkLYSVs87NgCgHNSezvyPfh1MbFc79hCNQxb8k9jl&show_text=true&width=500
