Zëvendës kryeministri i parë Artan Grubi sot ka vendosur kurora me lule tek përmendorja e Gjergj Kastriot – Skenderbeut në qytetin e Shkupit, me rastin e 556 vjetorit të vdekjes së tij.
Grubi shkruan se madhështinë e atij heroizmi që për 22 vite me rradhë mbrojti kombin nga kthetrat otomane, besëlidhjen e tij të fiseve shqiptare nga ku buronte forca e fitoreve kombëtare.
Përvjetori i 556-të i vdekjes së heroit tonë kombëtar, Gjergj Kastrioti – Skenderbeu na mblodhi sot në Sheshin Skenderbeu në Shkup për të përkujtuar madhështinë e atij heroizmi që për 22 vite me rradhë mbrojti kombin nga kthetrat otomane, besëlidhjen e tij të fiseve shqiptare nga ku buronte forca e fitoreve kombëtare.
Ajo besëlidhje është amanet i yni i përhershëm në shërbim të përparimit kombëtar që kalon përmes shtegut të integrimit në Bashkimin Evropian që i njeh mirë vlerat tona kombëtare që nga koha e Skenderbeut.
Sot kujtojmë me krenari në 42 vjetorin e rënies së tyre edhe Jusuf e Bardhosh Gërvallën dhe Kadri Zekën.
Qoftë i përjetshëm kujtimi për heroin tonë kombëtar Gjergj Kastrioti – Skenderbeu, vëllezërit Gërvalla e Kadri Zekën dhe të gjithë heronjtë e kombit!
Lavdi!
