Në 26 vjetorin e Epopesë së Ushtrisë Çlirimtare të Kosovës, Zëvendëskryeministri Artan Grubi ka pohuar se Jasharajt janë dëshmi e pastërtisë së kauzës kombëtare për lirinë e Kosovës.
Sipas Grubit, në sakrificën e tyre është e sublimuar trimëria, qëndresa, krenaria dhe atdhedashuria e një populli të tërë që nuk hoqi dorë kurrë nga toka e tij.
“Jehona e pushkëve të tyre do të mbante të pashuar flakadanin e lirisë në zemrat e bijve dhe bijave më të mira të kombit deri në çlirimin e plotë të Kosovës që ata e deshtën më shumë se jetën. Qoftë i përjetshëm kujtimi për Jasharajt,të gjithë dëshmorët dhe martirët e kombit! “, ka shkruar Grubi.
Kujtojmë, në 26 vjetorin e Epopesë së Ushtrisë Çlirimtare të Kosovës me kujtim për familjen Jashari ka dalë edhe ish kreu i UÇK-së, kryetari aktual i BDI-së, Ali Ahmeti.
