Tetovë, 14 qershor 2026
Vazhduam me z. Borjan Jovanovski, i cili trajtoi sfidat e procesit të integrimit evropian, kriteret e Kopenhagës, reformat dhe rëndësinë e qeverisjes së mirë.
Përmes një analize kritike të zhvillimeve politike dhe shoqërore, ai theksoi se shoqëritë demokratike ndërtohen mbi qytetarë të lirë dhe aktivë, ndërsa regjimet autoritare prodhojnë pasiguri dhe kufizojnë potencialin e individit.
Një vëmendje e veçantë iu kushtua edhe çështjes së identitetit, duke theksuar se ruajtja e tij nuk bie ndesh me integrimin evropian dhe se frika nga humbja e identitetit është shpesh një perceptim irracional që pengon progresin.
