Kryetari i Bashkimit Demokratik për Integrim, z. Ali Ahmeti, përkujton 30 Gushtin – Ditën Ndërkombëtare të Personave të Zhdukur me Dhunë.
Në vazhdim, postimi i plotë:
30 Gushti – Dita Ndërkombëtare e Personave të Zhdukur me Dhunë, na rikujton një nga plagët më të dhimbshme që luftërat kanë lënë pas: fatin ende të pazbardhur të mijëra njerëzve dhe pritjen e pafund të familjeve të tyre.
Edhe sot, shumë familje në Kosovë dhe në mbarë hapësirën e ish-Jugosllavisë vazhdojnë të kërkojnë më të dashurit e tyre, të zhdukur gjatë luftërave që përgjakën rajonin tonë. Për ta, lufta nuk ka përfunduar, sepse mungesa e një përgjigjeje vazhdon të rëndojë çdo ditë.
Zbardhja e fatit të çdo të zhdukuri mbetet detyrim njerëzor dhe institucional. Familjet kanë të drejtë ta dinë të vërtetën, ndërsa institucionet duhet të bëjnë gjithçka për zbardhjen e fatit të tyre. E vërteta dhe drejtësia janë një borxh ndaj viktimave dhe familjeve të tyre.
https://www.facebook.com/share/p/1CHXYmZQfn/?mibextid=wwXIfr
