Ministri i Shoqërisë Informatike dhe Administratës Jeton Shaqiri sot mbajti një takim pune me ambasadorin e Republikës Popullore të Kinës Zhang Zuo. Në takim, u shkëmbyen përvojat dhe u shqyrtuan projekte aktuale dhe të ardhshme, për qëllim të zhvillimit të mëtejshëm të shoqërisë digjitale dhe të sferës ekonomike në përgjithësi. Ministri Shaqiri tha se bashkëpunimi me Republikën Popullore të Kinës zgjat tashmë shumë vite dhe kontribuon ndaj proceseve moderne që zhvillohen në vendin tonë. “Ne si MSHIA, një ministri e rëndësishme për reformën e administratës publike dhe digjitalizimin, do të vazhdojmë me sa i përket përfundimit të reformave të brendshme të administratës dhe do të vazhdojmë me procesin e lidhjes digjitale të sa më shumë institucioneve”, tha ministri Shaqiri. Ambasadori i Republikës Popullore të Kinës Zhang Zuo, shprehu nga ana e tij kënaqësinë nga bashkëpunimi i deritanishëm dhe shprehu gatishmërinë për bashkëpunim më intenziv, posaçërisht tani, në kohë të pandemisë, kur digjitalizimi veçanërisht luan një rol të rëndësishëm.
