Do të vazhdoj me procesin e digjitalizimit dhe zbatimit të reformave kryesore të administratës publike në mënyrë që ta përgatisim për hyrjen në postin administrativ evropian që të sigurohen shërbime më të mira dhe më efikase për qytetarët dhe biznesin, deklaroi në konferencë për shtyp, ministri i ri i Shoqërisë Informatike dhe Administratës, Jeton Shaqiri.Ai paralajmëroi se do të vazhdojë zbatimi i strategjisë aktuale për reformën e administratës publike dhe informoi se tashmë po bëhen përgatitjet për një strategji të re. Në fazën e fundit, siç kumtoi, është strategjia kombëtare e TIK për zhvillimin e shoqërisë së informacionit.Ministri Shaqiri kumtoi se do të vazhdojnë edhe me procesin e riorganizimit dhe optimizimit të organeve të administratës shtetërore, agjencive dhe shërbimeve të inspektimit.“Do të eliminohet mbivendosja e kompetencave ndërmjet institucioneve. Do të ketë një plan të qartë për bashkimin dhe shfuqizimin e institucioneve ekzistuese ose për institucionet e reja të nevojshme në procesin e negociatave të anëtarësimit në BE. Duke pasur parasysh faktin se në shumë institucione është zbuluar një mbivendosje e kompetencave, numri i të punësuarve në sektorin publik do të ulet. Si një opsion i hapur për zvogëlimin e numrit të të punësuarve në sektorin publik janë paketat e transferimit në sektorin privat”, tha Shaqiri.Duke iu përgjigjur pyetjeve të gazetarëve, paralajmëroi më shumë detaje rreth zvogëlimit të numrit të institucioneve pas përfundimit të analizës horizontale, ndërsa takimi i parë me ekspertët e angazhuar është caktuar për në dhjetor të këtij viti. Pas analizimit dhe përpunimit të të dhënave dhe këshillimit të odave dhe sindikatave, do të bëhet harmonizimi i nevojshëm i ligjeve për punonjësit administrativë dhe sektorin publik.Lidhur me vendosjen e paralajmëruar të vendeve të punës të punonjësve përmes Marrëveshjes kornizë, ata tashmë kanë formuar një grup pune me Ministrinë e Sistemit Politik dhe Marrëdhëniet ndërmjet Bashkësive i cili është përgjegjës për shpërndarjen dhe i cili, siç tha ai, MSHIA është në dispozicion për të gjitha të dhënat për administrata.“Ata 1300 punonjës përmes Marrëveshjes kornizë, unë qëndroj pranë faktit se të gjithë ata do të duhet të sistemohen sa më shpejt të jetë e mundur në përputhje me programin e Qeverisë,” tha Shaqiri.Në planet që ai paraqiti është përgatitja e një ligji të ri për pagat në sektorin publik në bashkëpunim me Ministrinë e Punës dhe Politikës Sociale do të punohet për një ligj të ri për pagat në sektorin publik.
