Ministri Nuredini zhvilloi një takim zyrtar me Ambasadoren e Zvicrës H. E. Sibil Zuter Tejada ku u diskutuan fushat prioritare për bashkëpunim dhe sfidat për mbrojtjen e mjedisit në Republikën e Maqedonisë së Veriut. Qeveria e Konfederatës Zvicerane është një nga donatorët më të mëdhenj në këtë fushë, dhe siç theksoi Ambasadorja Tejada, ajo do të vazhdojë të mbështesë, ndër të tjera, infrastrukturën e ujërave të zeza, menaxhimin e mbetjeve të ngurta dhe mbrojtjen e natyrës. Gjegjësisht, Qeveria Zvicerane përmes Agjencisë Zvicerane për Zhvillim dhe Bashkëpunim (SDC) dhe Sekretariatit Zviceran për Çështjet Ekonomike (SECO), dhe në bashkëpunim të ngushtë dhe konsultim me Ministrinë e Mjedisit Jetësor dhe Planifikimit Hapësinor, i përfshin këto fusha në Strategjinë e re të Programit për Republikën e Maqedonisë së Veriut 2021 – 2024. Ky dokument veçanërisht i rëndësishëm paraqet proces të planifikimit për katër vitet e ardhshme dhe përfshin kërkime intensive, vlerësime dhe konsultime me palët kryesore të interesit, në mënyrë që të mbështesë përparësitë kryesore të Republikës së Maqedonisë së Veriut.
