Gjatë vizitës së tij zyrtare në Turqi, Ministri i Ekonomisë Kreshnik Bekteshi u takua me përfaqësues të Unionit të Odave dhe bursave të mallrave të Turqisë (TOOB), si dhe me përfaqësues të Shoqatës Turke të ndërtuesve dhe disa biznesmenë individual. Në takimin me Ali Kopuz, Zëvendës President i TOOB, Ministri Bekteshi theksoi se Maqedonia e Veriut dhe Turqia kanë marrëdhënie të forta dhe ndjenja miqësore për një kohë të gjatë. Megjithëse tregtia bilaterale midis dy vendeve po rritet vazhdimisht, ende ka shumë hapësirë që vëllimi i tregtisë të rritet edhe më shumë. Ai informoi se për të përmirësuar bashkëpunimin tregtar, tashmë ka filluar procedura për rishikimin dhe përditësimin e Marrëveshjes së Tregtisë së Lirë midis dy vendeve. “Ne duam t’u dërgojmë një mesazh biznesmenëve që si një vend mik, si qeveri, ne do të bëjmë gjithçka për të përmirësuar kushtet për rritjen e bashkëpunimit, si dhe për hyrjen e investimeve të reja turke në vend. Duam të bëjmë një marrëveshje të re që do të thotë një rritje shtesë në marrëdhëniet tona dypalëshe,” deklaroi Bekteshi pas takimit në TOOB. Në takim, Mithat Yenugun, Kryetar i Shoqatës Turke të ndërtuesve, paraqiti të gjitha projektet kryesore të infrastrukturës të planifikuara për t’u zbatuar në vendin tonë në periudhën e ardhshme dhe u bëri thirrje kompanive turke të ndërtimit që të aplikojnë në tenderët që do të shpallen. Kompanitë turke të ndërtimit janë tradicionalisht nga më të pranishmet në tregun maqedonas. “Maqedonia e Veriut është një vend i vogël, por ka potencial të madh. Në periudhën e ardhshme ne do të përqendrohemi në ndërtimin e disa projekteve të infrastrukturës siç janë pjesa e pasagjerëve dhe hekurudhave të Korridorit 8, ne gjithashtu po punojmë intensivisht në ndërtimin e sistemit të tubacionit të gazit në vend për të cilin dy kompani turke janë në garë për të ndërtuar rrjetin e shpërndarjes. Ne duam të inkurajojmë një bashkëpunim edhe më të madh me kompanitë turke,” tha ministri. Gjatë vizitës së tij zyrtare në Turqi, Ministri vizitoi kompaninë turke “Girishim Electric”, e cila po punon në ndërtimin e qendrës fotovoltaike 10 megavat në Osllomej. Menaxhmenti i kompanisë e informoi Ministrin se qendra fotovoltaike do të lëshohet së shpejti, dhe gjithashtu u bisedua për rritjen e investimeve të tyre në tregun maqedonas në disa fusha të ndryshme.
