Ministri për Shoqëri Informatike dhe Administratë, Jeton Shaqiri përmes një postimi në rrjetet sociale ka bërë njoftimin lidhur me takimin me nënkryetarin e Bashkimit Demokratik për Integrim, z. Nevzat Bejta. Sot realizova takim pune me nënkryetarin e Bashkimit Demokratik për Integrim, z. Nevzat Bejta. Qëllimi i këtij takimi, të realizuar në frymë të ngrohtë dhe miqësore, ishte të preken çështje të cilat janë në interesin e qytetarëve. Përgjatë takimit i shpjegova zotit Bejta për objektivat e Ministrisë së shoqërisë informatike dhe administratës dhe e sigurova se të gjitha këto objektiva janë të prekshme dhe të realizueshme brenda këtij mandati. Jemi duke punuar në shumë drejtime në mënyrë që të rrisim cilësinë e jetës së qytetarëve tanë në vend.
