Gjatë vizitës në Podgoricë të Malit të Zi, Ministri për shoqëri informatike dhe administratë, Jeton Shaqiri, zhvilloi takim me zv. Kryeministrin e Republikës së Malit të Zi, z. Dritan Abazoviç. Ky takim u zhvillua në një frymë të ngrohtë dhe miqësore. U diskutua dhe u preken mjaft tema bashkë, duke përfshirë atë të digjitalizimit, heqjen e tarifës së Roamingut në vendet e Ballkanit Perëndimor dhe për bashkëpunime të tjera të mundshme mes dy vendeve. Shkëmbimi i eksperiencave është mëse i nevojshëm për të çuar përpara projektet tona. Takimi u mbyll duke paralajmëruar takime të tjera më të shpeshta në të ardhmen dhe me premtimin për një bashkëpunim dhe komunikim më të intensifikuar.
