Sot, në ambientet e Ministrisë për shoqëri informatike dhe administratë, Ministri Jeton Shaqiri priti në një takim të rëndësishëm pune, kryetarin e Sindikatës së punonjësve administrativë, organeve gjyqësore dhe shoqatat e qytetarëve në Republikën e Maqedonisë së Veriut, z. Peco Grujovski. Qëllimi i zhvillimit të këtij takimi ishte nënshkrimi i ndryshimeve dhe plotësimeve të Marrëveshjes kolektive të degëve. Në seancën e fundit qeveritare, pas kalimit të informacionit për nënshkrimin e ndryshimeve dhe plotësimeve në Marrëveshjen kolektive të degëve, Ministri për shoqëri informatike dhe administratë u autorizua për nënshkrimin e saj. Me nënshkrimin e këtyre ndryshimeve dhe plotësimeve në Marrëveshjen kolektive të degëve rregullohen dhe precizohen disa dispozita të Marrëveshjes kolektive të degëve: · Precizohen organet e administratës shtetërore të cilat i përfshin Marrëveshja kolektive e degëve · Organizimi i punës në kushte krize apo emergjence · Kriteret e përdorimit të pushimit vjetor (jepet mundësi që pushimi vjetor të zgjasë më shumë se 26 ditë pune) · Kthehet kriteri për shkallën e arsimimit · Regresi për pushimin vjetor (К-15) Përgjatë takimit u diskutua gjithashtu edhe mundësia për rritjen e rrogave të punonjësve në organet e administratës shtetërore të përfshira në Marrëveshjen kolektive të degëve. “Jemi të përkushtuar dhe do të punojmë në këtë drejtim për të arritur qëllimin”, tha Ministri Shaqiri. Takimi u mbyll me nënshkrimin e ndryshimeve dhe plotësimeve në Marrëveshjen kolektive të degëve. Të dy nënshkruesit, Ministri Shaqiri dhe kryetari i Sindikatës Grujovski, shprehën vullnetin e tyre për të shtuar akoma më tepër bashkëpunimin, për të siguruar kushte sa më të mira pune për punonjësit në organet e administratës shtetërore.
