Ministri i Mjedisit Jetësor dhe Planifikimit Hapësinor Naser Nuredini zhvilloi një takim pune me kryetarin e Komunës së Haraçinës Ridvan Ibraimi, ku biseduan për gjendjen e mjedisit jetësor dhe nevojën dhe mundësitë për përkrahje të komunës nga MMJPH. Kryetari Ibraimi theksoi se prioritet i komunës është përmirësimi i infrastrukturës për furnizim me ujë dhe grumbullumi dhe trajtimi i ujërave të zeza, për të cilat MMJPH tashmë ka siguruar mjete në buxhet. Në këtë fazë, mjetet janë planifikuar për të mbështetur përgatitjen e dokumentacionit të projektit për këtë projekt të madh infrastrukturor, për të cilin komuna duhet të kryejë aktivitetet përgatitore në mënyrë që të ketë qasje në realizimin e të njëjtit. Ministri Nuredini dhe kryetari Ibraimi biseduan edhe për çështje të tjera aktuale në sigurimin e mjedisit të pastër jetësor për banorët e Haraçinës, ku ministri Nuredini informoi edhe për mjetet e tjera në dispozicion për shfrytëzimin e së cilave komuna duhet të përgatitet.
