Gjatë vizitës së tij të djeshme në Tiranë, ministri Nuredini realizoi takim me përfaqësues të Fondit të Natyrës “Prespa–Ohër” (PONT). Në këtë takim u theksua bashkëpunimi i suksesshëm në katër vitet e fundit si dhe mundësitë e reja që PONT-i të zgjerojë gjeografikisht programin e granteve në zonën e mbrojtur ndërkufitare Korab-Sharr në Shqipëri dhe Maqedoninë e Veriut. Ministri theksoi vlerën e lartë natyrore të kësaj zone të madhe ndërkufitare dhe potencialin e saj turistik të bazuar në natyrë dhe përshëndeti mbështetjen e PONT-it për Parkun Kombëtar Mali Sharr të shpallur së fundmi, i cili është në përputhje me financimin e dhënë tashmë nga Qeveria e RMV-së përmes Ministrisë së Mjedisit Jetësor dhe Planifikimit Hapësinor. Të dy palët ranë dakord për grantin e parë të planifikuar për Institucionin Publik të sapokrijuar të parkut, i cili do të zhvillohet me ndihmën e një konsulenti kombëtar të angazhuar nga PONT-i që do të filloj në qershor 2022. Kjo do të hapë rrugën për një partneritet afatgjatë për bashkëfinancimin e kostove operative për të siguruar menaxhim efektiv të Parkut, në përputhje me Planin e Menaxhimit që do të miratohet zyrtarisht deri në mesin e vitit 2022. Gjithashtu është planifikuar bashkëpunim i mëtejshëm me mbështetjen e vazhdueshme dhe të sapoplanifikuar nga Fondi Global Ekologjik (FGE) përmes UNEP-it. Në vitin 2022, PONT-i planifikon të shpallë dy thirrje për propozime për organizatat e shoqërisë civile në zonën Korab-Sharr. Thirrja e parë për propozime do të fokusohet në organizatat lokale joqeveritare që mbështesin autoritetet e Parkut në përpjekjet e tyre të menaxhimit. Thirrja e dytë do të jetë që organizatat kombëtare joqeveritare të mbështesin zonat e ndryshme të mbrojtura në rajonin e fokusuar në PONT, si dhe korridoret ekologjike midis zonave të mbrojtura ndërkufitare.
