Ministri i arsimit dhe shkencës Jeton Shaqiri, sot në komunën e Çairit mori pjesë në promovimin e monografisë “ARBËRESHËT MIDIS REALIETIT DHE MITIT” nga autori shqipëtar Fatmir Toçi. Bëhet fjalë për pjesë kushtuar historisë dhe së tashmës së Arbëreshëve të Italisë, të cilët janë një ndër përbërësit kryesorë të trungut kombëtar.
Promovimi i monografisë u bë nga Komuna e Çairit në bashkëpunim me Institutin për Trashëgimi Kulturore dhe Shpirtërore të Shqiptarëve dhe Shtëpinë Botuese Toena, ku morën pjesë edhe disa përfaqësues të tjerë të partive politike dhe institucioneve qeveritare, si edhe përfaqësues të komunitetit akademik dhe shkencor.Gjatë manifestimit, kryetari i Komunës së Çairit autorin Toçi e propozoi për qytetar nderi të Komunës së Çairit si shprehje të mirënjohjes dhe respektit të tij për kontributin e rëndësishëm në promovimin e bashkëpunimit dhe të zhvillimit në mes Maqedonisë së Veriut dhe Shqipërisë pikërisht përmes komunës së Çairit.
