Ministri i Ekonomisë, Kreshnik Bekteshi, gjatë vizitës së tij zyrtare në Uashington të SHBA-së, ka zhvilluar sot një takim pune me Andreë Light, Ndihmës Sekretar i Shtetit për Çështjet Ndërkombëtare në Departamentin e Energjisë së SHBA-së. Tema kryesore e takimit ishte zhvillimi i tregut të energjisë në Maqedoninë e Veriut, tranzicioni energjetik, siguria dhe diversifikimi në furnizimin me energji dhe investimet në energjinë e gjelbër. Në takim, ministri Bekteshi informoi për investimet që po bën Maqedonia e Veriut në sektorin energjetik, para së gjithash në zhvillimin e rrjetit të shpërndarjes së gazit natyror dhe ndërlidhjeve të gazit natyror me vendet fqinje, si dhe për masat e marra për krijimin e kushteve për investime në ndërtimin e kapaciteteve të reja për prodhimin e energjisë elektrike nga burimet e rinovueshme. Ministri Bekteshi e bëri të qartë se në përputhje me strategjinë afatgjatë në sektorin e energjisë, Republika e Maqedonisë së Veriut vlerëson mbështetjen e partnerit të saj SHBA, me kontribut të përbashkët për të vazhduar zhvillimin e koncepteve që janë në fokus të zhvillimit të sektorit energjetik. Të dy bashkëbiseduesit u pajtuan që ky bashkëpunimi i mirëfilltë të vazhdojë edhe në të ardhmen.
