Kryetari i komunës së Bogovinës, Besnik Emshiu përmes një njoftimi në rrjetet sociale ka bërë të ditur se ditën e Enjte do të fillojnë punimet për ndërtimin e rezervuarit në fshatin Pallçisht.
Njoftimi i kreut të komunës:
Lajmet e mira sigurisht ndahen me miqtë por unë këtë herë dua të ndaj me të gjithë ju banorët e komunës së Bogovinës.
Më vjen mirë që të konfirmoj se ditën e Enjte fillojnë punimet për realizimin e Projektit për ndërtimin e ujësjellësit në fshatin Pallçisht të Poshtëm, e me këtë të mbyllim njëherë e përgjithmonë problemin për furnizim me ujë për pije për banorët e këtij vendbanimi.
Ditën e Enjte, me fillim në ora 12:00 bashkë me Zëvendësministrin e Transportit dhe Lidhjeve z. Bekim Rexhepi dhe zyrtarë tjerë qendror dhe komunal do të bëjmë përurimin e fillimit të punimeve tek rezervuari i ujit.
Më gëzon fakti që si kryetar i komunës pas më shumë se dy dekada pritje të sjellë lajme të mira për vendbanimet e komunës që drejtoj unë.
I gjithë projekti kap shumën në vlerë prej 277.000.00€ dhe në kohëzgjatje prej 9 muaj.
