Ministri i Punëve të Jashtme, Bujar Osmani, në cilësinë e kryesuesit aktual të Grupit për Bashkëpunim Mesdhetar të OSBE-së dhe kryetar i ardhshëm i Organizatës, sot (11.12.2022) do të ndodhet për vizitë pune në Republikën Arabe të Egjiptit.
Gjatë vizitës, Osmani do të ketë takim me homologun e tij, Ministrin e Punëve të Jashtme, Sameh Hasan Shukri Selim dhe Ministrin e Tregtisë dhe Industrisë, Ahmed Samir Saleh.
Në fokus të diskutimeve do të jetë avancimi i mëtejshëm i marrëdhënieve dypalëshe ndërmjet Maqedonisë së Veriut dhe Egjiptit, si dhe bashkëpunimi ekonomik dhe rritja e shkëmbimit tregtarë. Njëherit, theksi do të vihet edhe në çështjet aktuale ndërkombëtare dhe sfidat e sigurisë në rajonin e OSBE-së, si dhe prioritetet e politikës së jashtme dhe situatat në mjedisin e afërt të dy vendeve.
