DFIZHT Festim Halili në takim me delegacionin kosovar të kryesuar nga Mentor Sulmeta, drejtor i sektorit të ndërmarrësisë në Ministrinë e industrisë, ndërmarrësisë dhe tregtisë në Qeverinë e Republikës së Kosovës.
Inovacioni, sipërmarrja dhe zhvillimi i eko sistemeve të të dy vendeve ishin fokusi kryesor i diskutuar nga të dyja palët. Gjithashtu u diskutua për zhvillimin e instrumenteve të reja për mbështetjen e sipërmarrjeve të vogla dhe të mesme, mbështetjen për bizneset fillestare dhe transformimin e tyre digjital.
Në takim u ra dakord për bashkëpunim të mëtejshëm mes dy institucioneve në drejtim të mbështetjes së ekonomive kombëtare dhe sipërmarrjes.
