Kryetari i Bashkimit Demokratik për Integrim, z. Ali Ahmeti ka pritur sot në takim ambasadoren e Zvicrës, znj. Véronique Hulmann.
Në takim u bisedua për integrimin europian, ndryshimet kushtetuese si dhe ndihmën zvicerane ndaj vendit tonë.
Ahmeti e ka informuar ambasadoren Hulmann mbi rrugën e integrimit të vendit, përfshirë këtu edhe skriningun, duke vlerësuar se Republika e Maqedonisë së Veriut po përmbush kushtet për të vazhduar më tej procesin e integrimit.
Miratimi i ndryshimeve kushtetuese gjithashtu është cilësuar si nevojë e padiskutueshme sepse vendi nuk ka alternativë tjetër përveçse anëtarësimi në familjen e madhe europiane.
Gjithashtu, në këtë takim kryetari Ahmeti ka shprehur mirënjohje dhe ka vlerësuar ndihmën e qeverisë zvicerane, për mbështjen e vazhdueshme që i ofron vendit tonë përmes programeve të ndryshme që përmirësojnë cilësinë e jetës së qytetarëve dhe demokratizimin e proceseve në vend.
