Ministria e Arsimit dhe Shkencës njofton se gjatë ditës së djeshme filloi dorëzimi i teksteve shkollore të reja për klasat e para, të dyta, të katërta dhe të pesta në arsimin fillor.
Deri në fund të këtij muaji do të përfundojë shpërndarja e 70% të teksteve për këto klasa. Bëhet fjalë për tekste krejtësisht të reja, të realizuara në përputhje me kurrikulat e reja, të cilat do të zëvendësojnë materialet mësimore të përdorura nga nxënësit më të vegjël që u janë shpërndarë para fillimit të vitit shkollor.
Menjëherë pas shtypjes dhe dorëzimit të teksteve për arsimin fillor, vazhdon shtypja e disa teksteve të reja për arsimin e mesëm profesional.Në ndërkohë, MASH, së bashku me institucionet e tjera kompetente, do të vazhdojë të investojë në plan-programet e reja mësimore dhe tekstet shkollore, sepse ky është një nga kushtet themelore për edukim cilësor, gjegjësisht për procesin edukativo arsimor.
