Ministri i Ekonomisë, Kreshnik Bekteshi, ka takuar ambasadoren e sapoemëruar të Republikës së Greqisë në Republikën e Maqedonisë së Veriut, H.E. Sofia Filippidou.
Ministri i uroi suksese ambasadores Filipidou në kryerjen e detyrës së re, si dhe e falënderoi për mbështetjen nga Republika e Greqisë në proceset integruese evropiane të vendit tonë.
Në takim, ministri Bekteshi dhe ambasadorja Filippidu biseduan për investimet e përbashkëta të dy vendeve në energjetikë dhe diversifikimin e burimeve të energjisë, të cilat janë të një rëndësie të madhe për Maqedoninë e Veriut, por edhe për të gjithë rajonin.
Temë e bisedës ishte bashkëpunimi i mëparshëm ekonomiko-tregtar mes dy vendeve, i cili ka shënuar rritje të vazhdueshme dhe ka arritur një nivel rekord në vitet e fundit, si dhe mundësia e thellimit të mëtejshëm të tij.
Ministri theksoi faktin se gjithësej tregtia ndërmjet Maqedonisë së Veriut dhe Greqisë në vitin 2021 shënoi rritje prej 51%, ndërsa nga janari deri në shtator të vitit të kaluar tregtia shënoi rritje prej 94.3%, është dëshmi e forcimit të marrëdhënieve bilaterale ndërmjet dy shtetet.
Të dy bashkëbiseduesit ranë dakord se ka shumë hapësirë për rritjen e bashkëpunimit mes dy vendeve, veçanërisht në fushën e energjisë dhe investimeve në burimet e rinovueshme të energjisë.
