Kam pritur sot për vizitë ministrin e Drejtësisë, z. Krenar Lloga me të cilin kemi nënshkruar Memorandum bashkëpunimi për të rritur qasjen e ndihmës juridike falas për qytetarët e komunës së Bogovinës.
Objekti i Zyrës që do të ofrojë ndihmë juridike falas gjendet tek selia e ish komunës së Kamjanit.
Angazhimi në këtë drejtim i komunës së Bogovinës, ministrisë së Drejtësisë dhe Zyrës së Këshillit të Europës, ka bërë që të vendos në shërbim të qytetarëve të gjitha mekanizmat që ofron shteti nëpërmjet Ligjit për Ndihmën Juridike Falas, në dobi të mbrojtjes së të drejtave në procedurat gjyqësore dhe para institucioneve tjera.
