Sot, (20 maj 2021) në ora 11:00 në ambientet e Ministrisë së Punëve të Jashtme të Republikës së Maqedonisë së Veriut do të mbahet inaugurimi i Këshillit Strategjik të Politikës së Jashtme. Në takim, fjalim hyrës do të ketë Ministri i Punëve të Jashtme, Bujar Osmani i cili do të prezantojë qëllimet e krijimit të këtij organi këshillues dhe të ekspertëve, në kuadër të projektit strategjik të Ministrisë së Punëve të Jashtme – Reflektime 2030.Reflektime 2030 parashikon një proces aktiv dhe të gjerë këshillues shoqëror i cili bazohet në tre shtylla themelore: krijimin e një Këshilli Strategjik të Ministrisë së Punëve të Jashtme, mbajtjen e konferencave tematike ad-hoc dhe seri panelesh me grupe interesi me qëllim përforcimin e lidhjes me publikun dhe segmenti qytetar të shoqërisë.Në takim do të shqyrtohen udhëzimet dhe do të shkëmbejnë mendime mbi proceset e zhvillimit të një strategjie dhjetë-vjeçare të politikës së jashtme të Republikës së Maqedonisë së Veriut. Qëllimi kryesor i këtij dokumenti strategjik është kthimi në parimet dhe vlerat e përcaktuara tashmë të politikës së jashtme, por edhe përcaktimi i drejtimeve prioritare të veprimit në planin e politikës së jashtme dhe forcimi i pozitës së Republikës së Maqedonisë së Veriut si një aktor i përgjegjshëm dhe aktiv në marrëdhëniet ndërkombëtare.
