Sot, kandidati për Kryeministër, Naser Ziberi, së bashku me kandidatin
për deputet dhe bartësin e listës numër pesë, Talat Xhaferi, me karvanin
“Realizo ëndrrën tënde” vazhduan rrugëtimin e tyre në komunën e Strugës
ku për vizitë qëndruan edhe në fshatrat përreth, Livadhi, Dollogozhdë,
Llabunisht Veleshtë dhe Ladorisht.
Me vizitën e tij në Strugë, Ziberi realizoi takim me qytetarët e kësaj
komune duke diskutuar nevojat dhe idetë e vendasve të këtij rajoni të
cilëve jua prezantoi këndvështrimet dhe planet e tij të parapara për
realizimin në 100 ditshin e parë.
Struga është një qendër turistike që ka potencial të madh për zhvillimin
e turizmit, ku janë realizuar, po realizohen dhe do të vazhdojnë edhe më
tej të realizohen projekte të shumta për ta bërë Strugën një qendër më
atraktiv për vizitorët e jashtëm dhe për të ritur standardet e jetesës.
Në bisedë me qytetarët e Strugës Ziberi potencoi rëndësinë e këtij
rrugëtimi, duke ia shpalosur atyre idenë e Kryeministrit të parë
shqiptar, i cili paraqet simbolin e fortë të barazisë, i
multietnicitetit dhe i demokracisë bashkëkohore, gjithashtu është ide e
një jetese më të mirë për të gjithë. Dhe për këtë arsye ne presim
mbështetje jo vetëm nga qytetarët shqiptar, por edhe mbështetjen e
maqedonasve dhe të bashkësive tjera etnike.
