Kryeparlametari Xhaferi në Samitin e Diasporës në Tiranë

Kryetari i Kuvendit të Republikës së Maqedonisë së Veriut, Talat Xhaferi, sot ishte i pranishëm në Samitin e tretë të diasporës në Tiranë, ku shkoi me ftesë të Kryeministrit të Republikës së Shqipërisë, Edi Rama. 

Në Samit ishin të pranishëm një numër i madh i figurave shtetërore dhe politike nga Republika e Shqipërisë, si vend mikpritës, nga Republika e Maqedonisë së Veriut, Republika e Kosovës si edhe përfaqësues të diasporës shqiptare nga Evropa dhe Shtetet e Bashkuara të Amerikës.  

Kryetari Xhaferi, bashkë me homologen e tij, Kryetaren e Kuvendit të Republikës së Shqipërisë, Lindita Nikola e përcillte forumin në të cilin kishte fjalime nga të cilat mund të dëgjoheshin ide, projekte dhe vizione për bashkëpunim të gjithanshëm në favor të shteteve të Rajonit. Është fakt se Rajoni ballafaqohet me sfida të aspekteve të ndryshme si ekonomike, energjetike, shëndetësore, sociale dhe mbi të gjitha, ato të sigurisë dhe mënyra e vetme për tejkalimin e suksesshëm dhe për përparimin e rajonit është bashkëpunimi gjithëpërfshirës rajonal, me përkushtim ndaj vlerave kryesore evropiane të demokracisë, sundimit të drejtës dhe të drejtave fondamentale, mirëpo edhe rëndësisë që e ka pajtimi dhe respektimi i ndërsjellë.

Forumi ishte një mundësi e shkëlqyer për takim dhe këmbim të opinioneve rreth zhvillimeve aktuale në rajon dhe më gjerë. 

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…