Kryetari i Bashkimit Demokratik për Integrim, Ali Ahmeti ka përkujtuar sot veprimtarët e çështjes kombëtare, Rexhep Mala dhe Nuri Berisha, me rastin e 40 vjetorit të rënies heroike të tyre.
Ahmeti në faqen e tij zyrtare në Facebook shkruan se atdhetarët si Mala e Berisha nuk u mposhtën përballë asnjë sakrificë mizore në burgjet e ish-Jugosllavisë, ndaj si të tillë gjithmonë vazhduan qëndresën hertike për lirinë e Kosovës.
Statusi i plotë:
40 vite më parë, ballë për ballë armikut në Kodrën e Trimave në Prishtinë, ranë heroikisht dy veprimtarët e çështjes kombëtare për lirinë e Kosovës, Rexhep Mala dhe Nuhi Berisha.
Ata ishin ndër nismëtarët e një rezistence të drejtë heroike, në shërbim të së cilës vendosën të gjithë potencialin intelektual që posedonin.
Kushtrimin e tyre të lirisë nuk arritën ta ndalin dot përndjekjet, burgosjet dhe malltretimet e regjimit jugosllav. 8 vite malltretime mizore nëpër burgjet e Jugosllavisë nuk e mposhtën Rexhep Malën, e bënë më të vendosur që të vazhdojë iniciativat e ndërgjegjësimit dhe veprimit kombëtar për idealin e Kosovës së lirë.
Në çdo veprim ne, bashkëveprimtarët e tyre kishim në mendje e zemër vizionin dhe trimërinë e Rexhepit dhe Nuhiut, aty gjenim forcën për të vazhduar përpara qëndresën tonë heroike.
Qoftë i përjetshëm kujtimi për Rexhep Malën, Nuhi Berishën dhe të gjithë të rënët për lirinë e Kosovës!
LAVDI!
