Arsimi duhet të jetë vizion, këtë e duan nga ne brezat e sotëm, të cilët do të jenë qytetarë të së ardhmes. Angazhimet për arsimin që do të përmbushë, pranojë dhe zbatojë risitë dhe ndryshimet e shpejta të inovacioneve shkencore-teknologjike janë ndryshime të përbashkëta, u pajtuan ministri aktual i Arsimit dhe Shkencës Jeton Shaqiri dhe ish ministri Arbër Ademi. Në takimin e sotëm në të cilin morri pjesë edhe Erkan Arifi, kryetari i Komunës së Likovës, ata biseduan për aktivitetet që ka para Ministrisë së Arsimit dhe Shkencës si dhe për investime kapitale në infrastrukturën arsimore. Ademi i cili është deputet aktual dhe koordinator i grupit parlamentar të BDI-së theksoi se është posaçërisht i kënaqur që ministri Shaqiri vazhdon të promovojë arsimin e mesëm profesional, aktivitet që bashkë me Qeverinë filloi gjatë mandatit të tij. Ai shprehu gatishmërinë për të ndihmuar ministrinë në procesin e forcimit të arsimit dual, sepse kualifikimi i të rinjve për përfshirje më të lehtë në tregun e punës është jashtëzakonisht i rëndësishëm. Të dy bashkëbiseduesit diskutuan edhe për reformat në arsimin fillor dhe rëndësinë e vazhdimit të proceseve për modernizimin e programeve mësimore si dhe përmirësimin e procesit inkluziv.
