Sot, në disa komuna të vendit, si dhe në të gjithë Evropën, nën moton “Kombino dhe lëviz”, ka nisur shënimi i Javës Evropiane të Lëvizshmërisë (16-22 shtator), e cila këtë vit organizohet me temën. “Lidhje më të mira”. (Better Connections).
Qëllimi është të dërgohet një mesazh i fortë se sinergjia midis njerëzve dhe vendeve duhet të inkurajohet dhe të përdoret ekspertiza, kreativiteti dhe angazhimi i tyre në rritjen e ndërgjegjësimit për lëvizshmërinë e qëndrueshme dhe në promovimin e ndryshimeve të sjelljes në favor të lëvizshmërisë aktive. Tema e këtij viti pasqyron nevojën që evropianët të lidhen me njëri-tjetrin pas disa muajsh izolimi dhe kufizimesh si rezultat i pandemisë globale COVID-19.
Ministria e Mjedisit Jetësor dhe Planifikimit Hapësinor, si koordinatore kombëtare, përveç qyteteve, ku secili është përgjegjës ndaras për aktivitetet në zonat e tyre urbane, fton të gjithë qytetarët, organizatat joqeveritare, kompanitë përgjegjëse shoqërore dhe gjithë sektorin civil në vendin tonë, për t’iu bashkuar kësaj fushate evropiane. Njëkohësisht, MMJPH fton të gjithë aktorët e jetës shoqërore gjatë këtyre 7 ditëve të ndajnë praktikat e tyre më të mira për lëvizshmërinë urbane dhe të ndërmarrin hapa dhe masa që do të mundësojnë një mjedis neutral karboni (përkatësisht, një kontinent neutral karboni), që është synimi afatgjatë i javës evropiane të lëvizshmërisë, dhe të bashkohemi në festimin e 22 shtatorit – Ditës pa makina, duke mbyllur rrugët kryesore për trafikun dhe duke organizuar një paradë biçikletash.
Deri më sot, në shënimin e Javës Evropiane të Lëvizshmërisë 2022 në Maqedoninë e Veriut janë kyçur qytetet Veles, Strumicë, Prilep dhe Komuna e Karbincit ndërsa qytetet e tjera ende kanë mundësi që të kyçen duke u paraqitur në https://registration.mobilityweek.eu/login.php?lang=mk.
Si informacion, në Javën Evropiane të Lëvizshmërisë me aktivitetet e saj në mbarë Evropën dhe botën këtë vit, në fillim të javës janë regjistruar 2320 qytete nga 45 vende nga Evropa dhe bota.
