Sot përfundon viti shkollor 2021-2022. Edhe ky vit sikurse viti i kaluar, ishte plot sfida, mirëpo përvoja e së kaluarës na mësoi se si të qëndrojmë të bashkuar dhe si t`i tejkalojmë më lehtë situatat që nuk mund të na befasojnë më.
Të gjithë ne, institucionet e sistemit, kuadri mësimor, nxënësit, prindërit dhe kujdestarët ishim në lartësinë e detyrave tona.
Ia dolëm të fitojmë përballjen më të vështirë, me pandeminë, të cilën këtë herë nuk e lejuam të ngadalësonte procesin arsimor dhe zhvillimin e duhur të gjeneratave. Përkundrazi, edhe në rrethana të jashtëzakonshme,ne vazhduam reformimin e sistemit arsimor me ritme të përshpejtuara dhe për këtë gjë i jam sinqerisht mirënjohës mësimdhënësve për motivimin, por edhe dëshirës së nxënësve për një të nesërme më të mirë.
I përgëzoj për njohuritë dhe arritjet e fituara të gjithë nxënësit dhe familjet e tyre! I falënderoj për përkushtimin maksimal dhe punën e mirë të gjithë mësimdhënësit shërbimet profesionale si dhe punonjësit e tjerë në shkollat fillore dhe të mesme!
Nxënësve të cilët do të regjistrohen në shkollë të mesme ose fakultet ju dëshiroj sukses aty ku dëshirojnë të regjistrohen, ndërsa të tjerëve pushim të këndshëm si dhe të përgatiten për një kapitull të ri të jetës. Ne, udhëheqësia dhe punonjësit e MASH-it, në institucionet dhe organet e tjera arsimore do të vazhdojmë të punojmë. Ritmin që e kemi imponuar, nuk do të lejojmë të ngadalësohet. Patjetër duhet të përgatitemi mirë për vitin e ardhshëm shkollor.
Nga shtatori vazhdojme sëbashku. Vetëm forcat e bashkuara japin rezultate më të dukshme!
Shëndet dhe gjitha të mirat!
