Ministria e Punëve të Brendshme e Republikës së Maqedonisë së Veriut në partneritet me Qendrën e Gjenevës për Menaxhimin e Sektorit të Sigurisë (DCAF), promovuan Planin e Integritetit të Ministrisë së Punëve të Brendshme të Republikës së Maqedonisë së Veriut (2023-2025).
Ky dokument është produkt jo vetëm i detyrimeve tona ligjore, por edhe i përcaktimeve strategjike reformuese me qëllim të zbatimit pa kompromis të ligjeve dhe shtetit të së drejtës, si qëllim parësor i funksionimit institucional.
Ajo që është edhe më domethënëse, ky dokument i brendshëm antikorrupsion përmban një sërë masash që parandalojnë dhe eliminojnë mundësitë për shfaqjen dhe zhvillimin e formave të ndryshme të sjelljeve korruptive dhe joprofesionale brenda radhëve të Ministrisë së Punëve të Brendshme, të cilat janë ndërtuar mbi bazën e analizave dhe vlerësimeve të ndjeshmërisë së vendeve të caktuara të punës për shfaqjen dhe zhvillimin e veprimeve korruptive dhe formave të tjera të sjelljes joprofesionale të punonjësve.
