Ministri i Ekonomisë Kreshnik Bekteshi u takua me ambasadorin e sapoemëruar të Republikës së Francës në vendin tonë, HE Siril Bomgartner. Ministri i uroi Bomgartner shumë sukses në kryerjen e detyrës së tij të re, duke e falënderuar për mbështetjen e deritanishme të Republikës së Francës në proceset e integrimit evropian të Republikës së Maqedonisë së Veriut. Ministri dhe ambasadori diskutuan bashkëpunimin aktual ekonomik dhe tregtar midis dy vendeve dhe mundësitë për përmirësim në periudhën e ardhshme. Ministri Bekteshi falënderoi për mbështetjen miqësore nga Franca në proceset demokratike dhe euro-atlantike të vendit, dhe theksoi se ka hapësirë të madhe për rritjen e bashkëpunimit ekonomik midis dy vendeve. Ministri e informoi Ambasadorin për masat dhe aktivitetet e ndërmarra nga Ministria e Ekonomisë dhe Qeveria për mbështetje të sektorit të biznesit në mënyrë që të zvogëlohen pasojat negative të shkaktuara nga pandemia. Të dy bashkëbiseduesit ranë dakord se ka shumë hapësirë për bashkëpunim midis dy vendeve, veçanërisht në fushën e investimeve në energjetikë, veçanërisht në burimet e ripërtëritshme të energjisë. Ministri Bekteshi dhe ambasadori Bomgartner ranë dakord të vazhdojnë komunikimin për të përmirësuar marrëdhëniet ekonomike midis dy vendeve dhe për të gjetur zgjidhjet më të përshtatshme për zhvillimin ekonomik të të dy vendeve.
