Takimi me partnerët e koalicionit, kryetari Ahmeti: Mbetemi të përkushtuar në trasimin e rrugës së integrimit me përkrahje të BE dhe SHBA

Kryetari i BDI Ali Ahmeti sot ka marrë pjesë në takimin e partnerëve të koalicionit ku është diskutuar mbi aktualitetin politik dhe për të rikonfirmuar qëndrimet tona të paluhatshme për ardhmërinë europiane të vendit.

Me partnerët e koalicionit qeverisës u takuam sot për të diskutuar mbi aktualitetin politik dhe për të rikonfirmuar qëndrimet tona të paluhatshme për ardhmërinë europiane të vendit.

Prioritet i padiskutueshëm i Maqedonisë së Veriut është miratimi i ndryshimeve kushtetuese, proces që nuk dëmton në asnjë mënyrë vendin, proces që përforcon demokracinë, që nuk ka alternativë tjetër për të vazhduar aspiratën tonë të eurointegrimit.

Qeveria mbetet fuqishëm e përkushtuar në trasimin e mëtejshëm të rrugës së integrimit dhe për këtë ka përkrahjen e madhe të vendeve të Europës dhe Shteteve të Bashkuara të Amerikës.

Takimi ynë i sotëm është njëherit edhe thirrje për të gjitha palët, veçanërisht ndaj opozitës për të reflektuar mbi rëndësinë e këtij momenti dhe për mbështetjen e ndryshimeve kushtetuese, për të dëgjuar zërin e qytetarëve dhe faktorit ndërkombëtarë që duan ta shohin Maqedoninë e Veriut si anëtare të plotëfuqishme të Bashkimit Europian.

Ka ardhur koha që të lëmë anash ndasitë dhe inatet politike, të dëshmojmë pjekuri dhe të betonojmë përcaktimin tonë strategjik euro-amerikan.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…