Zëvendës kryeministri i parë Artan Grubi sot ka pritur në takim delegacionin e SHBA të udhëhequr nga James Rubin.
Fokusi i bisedës ishte lufta kundër dezinformatave që cënojnë demokracinë dhe sigurinë nacionale në mbarë botën, si dhe mundësia e bashkëpunimit për t’u përballur me kërcënimet në hapësirën informative në mbarë Ballkanin Perëndimor, ka shkruar Grubi pas takimit.
Postimi i plotë:
Sot bashkë me Kryeministrin Kovaçevski dhe kolegët ministra, realizuam takim me delegacionin e SHBA-së të kryesuar nga përfaqësuesi special dhe koordinatori i Qendrës për angazhimin global pranë Departamentit Amerikan të shtetit, z.James Rubin i shoqëruar nga ambasadorja znj. Angela Aggeler.
Fokusi i bisedës ishte lufta kundër dezinformatave që cënojnë demokracinë dhe sigurinë nacionale në mbarë botën, si dhe mundësia e bashkëpunimit për t’u përballur me kërcënimet në hapësirën informative në mbarë Ballkanin Perëndimor.
Theksova se Qeveria gjithnjë e më shumë është duke ndërmarrë strategji të ndryshme për përballje me ndikimin e dëmshëm nga dezinformatat të cilat ndikojnë negativisht tek qytetarët e njëkohësisht dëmtojnë lirinë dhe demokracinë e vendit.
