Kryetari i Bashkimit Demokratik për Integrim, Ali Ahmeti ka uruar të gjithë besimtarët e fesë islame për festën e Kurban Bajramit.
Urimi i plotë:
Të dashur vëllezër dhe motra,
Kur në vatrat tona familjare po festojmë Kurban Bajramin, le të reflektojmë sot mbi madhështinë e vlerave hyjnore të paqes, solidaritetit dhe respektit ndaj njëri – tjetrit.
Kuptimi i jetës qëndron në dorën e zgjatur të ndihmës, në dorën e zgjatur të pajtimit, në praktikimin e veprave që ndriçojnë horizontet e së mirës së përgjithshme.
Uroj që të keni shëndet, harmoni, mbarësi dhe paqe të përjetshme në vatrat tuaja familjare.
Gëzuar!
