Në ambientet e Pallatit për Kulturë në Gostivar, u promovua libri me poezi “Mes një ëndrre të bukur, si një përrallë” nga poetja e re gostivarase, Berinika Arsllani.
I ftuar në promovimin e këtij libri ishte dhe kryetari i Bashkimit Demokratik për Integrim, Ali Ahmeti, i cili në një fjalim rasti përgëzoi poeten e re për botimin e librit.
“Sa bukur që sonte jemi mbledhur këtu, ju adhurues të fjalës së bukur, të librit e mbi të gjtha të rinisë. Lexova nga libri i poetes dhe më pëlqen mënyra së si përshkruhen ndjenjat në këtë libër, si përshkruhet me një filozofi të theksuar dhe bota e fëmijëve dhe tema të tjera. Shpreh mirënjohje për të gjithë atë që punuan për këtë libër, përfshire dhe Pallatin për Kulturë në Gostivar për organizmin e këtij promovimi. Suksese të mëtejshmë”, u shpreh Ahmeti.
Përveç leximit të pjesëve të shkëputura nga botimi më i ri i Berinikës, poetja shpalosi dhe disa nga punimet e saja në pikturë.
