Ministri i Ekonomisë, Kreshnik Bekteshi, ka zhvilluar sot takim me ambasadorin e sapoemëruar të Republikës së Austrisë në Maqedoninë e Veriut, Martin Pamer.
Ministri Bekteshi i uroi ambasadorit Pamer mirëseardhje dhe mandat të suksesshëm si dhe suksese në vazhdimin dhe avancimin e bashkëpunimit mes dy vendeve.
Në takim u konfirmua bashkëpunimi i suksesshëm ndërmjet Maqedonisë së Veriut dhe Austrisë dhe mbështetja që marrim për perspektivën evropiane.
Në 20 vitet e fundit, Austria ka investuar mbi 830 milionë euro në Maqedoninë e Veriut.
Austria është partneri ynë shumëvjeçarë dhe i dëshmuar në bashkëpunimin ekonomik, pra në vendin e 20-të për nga vëllimi i tregtisë.
Totali i tregtisë në periudhën janar – gusht 2023 është 170 milionë euro, që paraqet një rritje prej 14.3 për qind krahasuar me të njëjtën periudhë të vitit të kaluar.
Ministri Bekteshi dhe ambasadori Pamer u pajtuan se sipas të dhënave ka shumë hapësirë për forcimin e bashkëpunimit ekonomik mes dy vendeve.
