Tetovë, 4 shkurt 2026
Kryetari i Bashkimit Demokratik për Integrim, Ali Ahmeti, u takua me Shkëlqesinë e Tij, Denion Meidani, Ambasador i Republikës së Shqipërisë në Republikën e Maqedonisë së Veriut.
Në një moment të ndjeshëm politik për rajonin dhe më gjerë, ata zhvilluan një bisedë të thelluar për proceset evropiane, zhvillimet gjeopolitike dhe përgjegjësinë institucionale që kemi ndaj faktorit shqiptar, kudo që jeton.
Kryetari Ahmeti ritheksoi se angazhimi i tij mbetet i palëkundur për një politikë me vizion, qëndrueshmëri dhe dinjitet shtetëror, duke forcuar bashkëpunimin mbarëkombëtar dhe rolin politik të shqiptarëve në çdo proces vendimmarrës.
