Tiranë, 6 dhjetor 2025
Kryetari i Bashkimit Demokratik për Integrim, Ali Ahmeti, mori pjesë në shënimin e 10-vjetorit të organizatës humanitare “Fundjavë Ndryshe”, së bashku me Kryeministrin e Republikës së Shqipërisë, Edi Rama, dhe shumë personalitete, miq të humanizmit dhe vullnetit të mirë.
Me këtë rast, kryetari Ahmeti përgëzoi themeluesin e organizatës, Arbër Hajdarin, për punën e tij të jashtëzakonshme dhe kontributin e dhënë ndër vite në shërbim të familjeve në nevojë dhe promovimit të vlerave të solidaritetit.
Ai i uroi Arbër Hajdarit dhe ekipit të “Fundjavë Ndryshe” suksese të mëtejshme në vazhdimin e këtij misioni fisnik, duke vlerësuar se humanizmi, solidariteti dhe kujdesi për njëri-tjetrin mbeten ndër vlerat më të çmuara të shoqërisë sonë.
