Kryetari i Bashkimit Demokratik për Integrim, Ali Ahmeti, së bashku me miq dhe bashkëluftëtarë, vizitoi familjen Krasniqi për të shprehur ngushëllimet me rastin e ndarjes nga jeta të Nënës Shehide, nënës së heronjve kombëtarë dhe bashkëluftëtarëve të UÇK-së, Mujë dhe Ali Krasniqi.
Me këtë rast, kryetari Ahmeti shprehu respektin dhe mirënjohjen për sakrificën dhe kontributin e familjes Krasniqi në rrugëtimin për liri dhe dinjitet kombëtar.
Ai theksoi se figura e Nënës Shehide dhe amaneti i familjeve që dhanë gjithçka për lirinë e kombit do të mbeten përherë pjesë e kujtesës sonë historike dhe kombëtare.
Qoftë e përjetshme lavdia e Nënës Shehide dhe e bijve të saj heronj, Mujë dhe Ali Krasniqi.
