Shkup, 3-4 qershor 2026
Me ftesë të Sh.T.Z. Ola Solström dhe Sh.T.Z. Paolo Palminteri, Kryetari i Bashkimit Demokratik për Integrim, Ali Ahmeti, mori pjesë në pritjet e organizuara me rastin e ditëve nacionale të dy vendeve mike dhe partnere të Republikës së Maqedonisë së Veriut në rrugëtimin e saj evropian, Mbretërisë së Suedisë dhe Republikës së Italisë.
Me këtë rast, Ahmeti përcolli urimet e tij për qytetarët e këtyre dy shteteve, duke vlerësuar mbështetjen e vazhdueshme që Suedia dhe Italia i kanë dhënë vendit në proceset demokratike, integruese dhe zhvillimore. Ai theksoi rëndësinë e partneritetit të ngushtë me këto dy vende evropiane, si dhe rolin e tyre në mbështetjen e perspektivës euroatlantike dhe evropiane të Republikës së Maqedonisë së Veriut.
