Shkup, 22 qershor 2026
Sot, Kryetari Ali Ahmeti takoi Ushtruesen e Detyrës së Ambasadores së Shteteve të Bashkuara të Amerikës në vendin tonë, Sh.S. znj. Nicole Varnes.
Gjatë takimit u zhvillua një bisedë e hapur dhe konstruktive për çështje me interes të përbashkët, me theks të veçantë mbi sundimin e ligjit, rëndësinë e ruajtjes së marrëdhënieve të mira ndëretnike, si dhe zhvillimet aktuale që lidhen me paqen dhe stabilitetin global.
Kryetari Ahmeti shprehu mirënjohjen për mbështetjen e vazhdueshme të Shteteve të Bashkuara të Amerikës ndaj vlerave demokratike, integrimit euroatlantik dhe perspektivës së vendit tonë. Ai theksoi bindjen se partneriteti me Shtetet e Bashkuara do të vazhdojë të forcohet në funksion të paqes, stabilitetit dhe një të ardhmeje më të mirë për të gjithë qytetarët.
https://www.facebook.com/share/p/1c6nnuNBqj/?mibextid=wwXIfr
