Çështja e ndotjes së ujit të pijshëm në Gostivar është një problem serioz që prek drejtpërdrejt shëndetin dhe sigurinë e qytetarëve. Në situata të tilla, prioritet duhet të jetë zbardhja e plotë e rasteve, transparenca institucionale dhe marrja e masave konkrete për mbrojtjen e interesit publik.
Në vend të kësaj, një pjesë e mediave dhe portaleve po zgjedhin ta trajtojnë këtë çështje përmes spekulimeve dhe pretendimeve të pabazuara, duke e larguar vëmendjen nga nevoja për përgjegjësi dhe zgjidhje.
BDI rithekson se qytetarët meritojnë informacion të bazuar në fakte, institucione që japin llogari dhe një debat publik të përgjegjshëm. Problemet reale nuk zgjidhen me propagandë, por me transparencë, profesionalizëm dhe përgjegjësi institucionale.
