Të nderuar, Fuqimisht e dënojmë sulmin e mbrëmshëm terrorist në Vjenë. Kjo është një goditje tragjike për një nga qytetet më të sigurta në Evropë. E ndajmë dhimbjen me miqtë tanë austriakë dhe evropianë. Terrorizmi nuk njeh as komb, as fe, as origjinë, dhe ne e dënojmë ashpër këtë akt terrorist, pa marrë parasysh nga kush është kryer ai. U shprehim ngushëllimet tona familjeve dhe qytetarëve të Austrisë dhe qëndrojmë pranë tyre në këto kohë të vështira. Republika e Maqedonisë së Veriut edhe si anëtare e NATO-s, edhe si vend kandidat për anëtarësim në Bashkimin Evropian, kontribuon në mënyrë aktive në koalicionin ndërkombëtar për luftimin e terrorizmit të çfarëdo lloji. Me respekt, Ministria e Punëve të Jashtme e Republikës së Maqedonisë së Veriut
