Takim Osmani- Wilmès në Belgjikë: Është i përbashkët obligimi që ta ruajmë kredibilitetin evropian në Ballkan

Ministri i Punëve të Jashtme të Republikës së Maqedonisë së Veriut, Bujar Osmani në kuadër të vizitës së punës në Mbretërinë e Bashkuar, realizoi takim me nikoqirin e tij, zëvendës Kryeministrin dhe Ministrin e Punëve të Jashtme, Çështje Evropiane dhe Tregti të Jashtme dhe Institucione Federale Kulturore të Mbretërisë së Belgjikës, Sophie Wilmès.Në takim u bisedua për integrimin evropian të Maqedonisë së Veriut dhe perspektivat për mbajtjen e Konferencës së parë ndërqeveritare, në pajtim me vendimin e Këshillit të BE-së për fillim të bisedimeve.”Kuptohet që është obligim i përbashkët ta ruajmë kredibilitetin evropian mes vendeve të Ballkanit Perëndimor, sepse jo vetëm neve, por edhe gjithë kontinentit i duhet rajon stabil, me prosperitet dhe evropian. Dhe këtu më së shumti llogarisim në sistemin e meritave, dhe vlerësoj se sot riafirmuam këto pozicione parimore edhe me Belgjikën”, theksoi Osmani.Në takim u bisedua edhe për raportet bilaterale mes dy vendeve, për të cilat u konstatua se kanë progres stabil dhe të vazhdueshëm.Osmani dhe Wilmès hapën edhe më shumë çështje aktuale nga fusha e politikës ndërkombëtare dhe rajonale, si dhe temat lidhur me gjendjen epidemiologjike në të dyja vendet dhe përpjekjet për të kapërcyer krizën shëndetësore globale të shkaktuar nga Covid-19.Vizitën e Osmanit në Bruksel vazhdon me takimet me Kryetarin e Parlamentit belg Eliane Tillieux dhe Presidentin e Senatit Belg,  Stephanie D’Hose, ndërkaq në kuadër të vizitës Osmani do të realizojë vizitë edhe në selinë e NATO-s, ku do të takohet me Sekretarin Gjeneral, Jens Stoltenberg.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…