Sot pata një takim zyrtar me kryetarin e Komunës së Strugës, z. Ramiz Merko. Gjithmonë kënaqësi të takohem me persona vizionarë dhe punëtorë.Temë diskutimi e takimit të sotëm ishte realizimi i projektit të Ministrisë për shoqëri informatike dhe administratë “Një pikë për shërbime” në qytetin e Strugës. Specifikimi i lokacionit të kësaj pike ishte detaji i fundit i papërcaktuar.Kryetari, z. Ramiz Merko, ka siguruar lokacionin për qendrën “Një pikë për shërbime” në ambientet e Komunës së Strugës. Pas sigurimit të lokacionit, ne do të përshpejtojmë procedurat dhe do përpiqemi t’a kemi gati këtë pikë për një kohë të shkurtë, në mënyrë që të ofrojmë shërbime cilësore sa më shpejt për qytetarët e Strugës.Në këtë pikë, qytetarët e Strugës do të mund të marrin shërbime nga institucione të ndryshme në një sportel të vetëm.Ndër të tjerash diskutuam edhe për punimet e shumta që po realizohen në territorin e Komunës së Strugës, ku shfrytëzova rastin të përgëzoj kryetarin Merko për punën e palodhshme.
