Ministri për Shoqëri Informatike dhe Administratë, Jeton Shaqiri përmes një postimi në rrjetet sociale ka bërë njoftimin lidhur me Interoperabilitetin si element kyç në procesin e digjitalizimit. Interoperabiliteti – Ndërlidhja dhe përdorimi i regjistrave dhe të dhënat themelore ndërmjet organeve shtetërore dhe institucioneve. Interoperabiliteti është element kyç në procesin e digjitalizimit. Ky projekt mundëson shkëmbimin e të dhënave në mes të IT sistemeve në institucionet shtetërore. Rrjedhja e pandalur e informacionit përmes platformës për interoperabilitet e zvogëlon kohën e nevojshme për transferim të informacioneve ndërmjet institucioneve shtetërore me të cilët to të lëhtësohet qasja në informacionet elektronike të cilat janë të nevojshme për të ofruar shërbime publike të nevojshme për qytetarët dhe bizneset. Për momentin në platformën e interoperabilitetit janë të përfshira 32 institucione, por objektivi ynë është që të rrisim numrin e institucioneve të përfshira në këtë platformë dhe numrin e web shërbimeve për shkëmbim të të dhënave dhe për këtë jemi duke zhvilluar takime dhe bisedime të shumta me të gjitha palët e interesit.
