Ministri për shoqëri informatike dhe administratë Jeton Shaqiri zhvilloi takim pune me kryetaren e Komunës së Manastirit, znj. Natasha Petrovska dhe drejtoreshën e Qendrës shtetërore të provimeve, znj Elizabeta Naumovska. Thellimi i komunikimit dhe bashkëpunimit ndërinstitucional janë prioritet për ne Gjatë ditës së sotme zhvillova takim pune me kryetaren e Komunës së Manastirit, znj. Natasha Petrovska dhe drejtoreshën e Qendrës shtetërore të provimeve, znj Elizabeta Naumovska. Tema diskutimi ishin thellimi i komunikimit dhe bashkëpunimit ndërinstitucional si dhe dy projekte konkrete që lidhin drejtpërdrejt Ministrinë për shoqëri informatike dhe administratë dhe Komunën e Manastirit: Hapja e qendrës “Një pikë për shërbime” në Manastir dhe përfshirja e Komunës Manastir në sistemin DMS. Informova zonjën Petrovska se jemi shumë pranë hapjes qendrës “Një pikë për shërbime” në Manastir. Sapo të mbaroj faza e fundit e trajnimit për këta punonjës, kjo qendër do të jetë gati dhe në dispozicion të qytetarëve të Manastirit. Ky projekt do të shkurtojë kohën e pritjes nëpër sportele duke ofruar më shumë shërbime në një sportel të vetëm.
