Ministri për shoqëri informatike dhe adminisratë, Jeton Shaqiri, ishte i ftuar sot në ceremoninë e ndarjes së çertifikatave, për ndjekje të trajnimit për përkthim dhe lektyrim nga gjuha maqedonase në gjuhën shqipe dhe nga gjuha shqipe në gjuhën maqedonase, organizuar nga Agjencia e zbatimit të gjuhës. Si rezultat i përmbushjes së detyrimit që vjen nga Ligji për zbatimin e gjuhëve, të gjitha institucionet në vend duhet të krijojnë sektorë dhe vende të reja pune. Ministria për shoqëri informatike tashmë ka krjuar njësinë e saj, në funksion të zbatimit të gjuhëve, dhe është e përkushtuar dhe e gatshme në mënyrë maksimale për të ndihmuar dhe mbështetur secilin institucion në vend për krijimin e këtyre sektorëve. “Njëherit gjej rastin të përgëzoj të gjithë të punësuarit që ndoqën këtë trajnim të rëndësishëm, i cili është mëse i nevojshëm për zhvillimin e tyre profesional”, tha Shaqiri.
